那個髮夾(極短篇)
我看著兩天前對妳說的話,以及妳的個人頁面快覽,默默無語。
那是對妳去的咖啡店的布朗尼很讚的回覆,以及顯示妳將我unfo的個人資料頁面說明。
我看著兩天前對妳說的話,以及妳的個人頁面快覽,默默無語。
那是對妳去的咖啡店的布朗尼很讚的回覆,以及顯示妳將我unfo的個人資料頁面說明。
(頂章)
「所以汝後來就隨走出去?」Helen佇線頂問。
「著ah,chit款情形確實危險,結果出來ê時陣,天頂無落雨,拄好出日頭,我就緊走ah
A̍h汝有án-nóa無?」
「無lah!Chit款場面in mā無可能掠儂,佇十二月十號chhìn-chhái掠,國際會有足大ê非難。而且語言學會講in家己會hām學校協調án-nóa換新ê breaker,chit件代誌in就放我過。Iáu m̄-koh……」
「!?」
「若準講當局發現我舞hiah大ê代誌是thiau工ê,定著bōe放咱煞。」Helen佇計算機中心拍字予Theng ê時陣,心肝頭感覺誠虛,嘛誠煩惱,足想欲有一个儂通好倚靠,共伊心中ê驚惶訴出來,若像淹水ê儂咧揣求通搝ê索仔。
毋閣伊虧欠Theng足濟——有可能是伊ê自由、笑面佮青春,金錢有可能通賠,時間煞無得通。雖然伊是上好ê朋友,但是佇taⁿ 壓力蓋大ê情況,無應該閣予伊ê心思著磨。
「面對『thiàⁿ』kap『ài』ê差別,我這馬欲按怎揀?
(頂章)
肅殺無聲ê警備指揮部(我嘛無確定敢是),雖罔佮會當喘氣ê外圍,干焦隔一塊牽鐵線網ê壁,但實際比星辰閣較遠。
已經毋知影幾點鐘,可能是十幾點鐘,毋過斟酌想嘛無意義,連日時暗暝攏毋知。這个狹kheh兩三坪ê間仔,無水,無食物,無時鐘,無出入ê希望,嘛無窗仔佮日光,只有兩个共阮苦刑ê查埔軍人。彼葩永永袂關,顛倒那來那大葩、那來那光ê電火胿仔,以及袂當控制家己咧想,毋知影in閣會對阮怎樣粗殘ê恐怖,不斷共我ê靈魂蒸發、搖掣甲毋成型。
閣想起一本小說所講ê「咱會佇無烏暗ê所在相見」,這馬才知影伊真正ê意思,毋過已經無氣力閣想矣——我感覺理智已經佇失去時間、無食、無啉、無睏佮喝罵聲,漸漸對身軀剝開,足驚會剝甲啥物款ê程度。就算猶原出全力堅持。
(頂章)
「臺北站到了!
臺北站到矣!」
國光號ê司機提mái-khuh提醒車頂ê儂,嘛予坐倚窗仔ê羽柔掣一趒,伊頭拄仔除了佇車頂咧想資料結構ê紅烏樹欲按怎轉換,猶咧思考敢真正欲買字典這个問題。
那看地圖,那迒過天橋,行過忠孝西路,伊到重慶南路倒斡。雖罔是秋天,猶原佇大樓ê林仔下跤,燒氣佮假若佇咧ê雲煙,猶原浮佇路ni̍h,成做儂儂心肝頭ê齷齪。
遮和S城無仝,亭仔跤ê儂蓋濟,來來去去,毋知影in按佗位來,向佗位去,凡勢伊嘛毋知影,伊佮Theng是按怎佇網路頂拄著,然後加入這个專案,而且閣摻入去無純正ê計謀。
干焦是羽柔ê一念之間,予運命行向這條{rb|歪斜|oai-chhoa̍h} ê方向,毋過假若無遐簡單——
凡勢佇閣較早前,命運就注定好好咧?
伊嘛是咧懷疑,但是落尾猶原毋知,佇伊去電腦冊店買一寡網路程式ê冊ê時陣。
「總是著買這本字典,」伊輕輕咬伊ê嘴唇皮,決意共逐間冊店走透透,揣看覓……