（最後更新佇：2014-08-21）
![<ruby><rb>對</rb><rp>[</rp><rt>uì</rt><rp>]</rp></ruby>北溝<ruby><rb>翕</rb><rp>[</rp><rt>hip</rt><rp>]</rp></ruby><ruby><rb>草湖溪</rb><rp>[</rp><rt>Tsháu-ôo-khe</rt><rp>]</rp></ruby>日<ruby><rb>斜</rb><rp>[</rp><rt>tshiâ</rt><rp>]</rp></ruby>西](https://lh4.googleusercontent.com/-s-UZGt4i8uQ/U3c4angKLsI/AAAAAAAAF40/_EIMxFcA6mw/s800/100_8786.JPG)
註：本文是台灣閩南語（Holo 話）書寫練習，拼音是台羅拼音，用字盡量用教育部常用詞辭典，看無的通去彼个站揣。本文內底使用 <ruby>，用 Firefox 的建議先裝 HTML Ruby 來看較順序。
逐
个人攏有伊
的故鄉，
毋管是出世地、成長地，
抑毋管
蹛 偌久，
捷捷會刻入
in 心內，成做人格的重要部份。
足濟綴老蔣政府來台灣的文人，比論
琦君，
袂當無記故鄉的風、土、水、情，寫出袂少的懷鄉文學；黃昏的故鄉、彼時的形影，嘛不時
咧叫著
予當局
貼「烏名單」的
智識分子。
在水我無像
in 按呢強強無路轉故鄉，
總是離鄉讀冊的彼段日子，有時會真
數念。
雖然我的家族毋是出佇阿罩霧，只是搬到遮嘛拄二十冬矣，這个所在，官方呼做「吉峰里」，毋過北溝是伊本底、自然的名，就算我愛承認，這名 sông。後來查過，以早也有人寫做仝音的「北郊」，也敢是因為伊踮佇霧峰市區北爿，邊仔有北溝溪流過吧？（順紲講，這个 blog 的名是對伊稱呼的）
論講，北郊只是一个庄頭，是講有萬外人。凡勢因這爿是霧峰上倚台中市區佮大里街市的所在，到霧峰要迒過大片荔枝園（西區除外），到南大里獨獨過一條草湖溪就到，所以袂少人蹛遮。而且，朝陽大學設佇南方的 suann-phiâⁿ，學生有的佇山跤租間仔、蹛學寮，加添鬧熱，就算嘛造成欲暗仔放學時，山跤北溝舊庄 oo-tóo-bái that 佇路呢。但是我好奇，小食、飲料店因此開袂少，竟然校外強欲無半間冊店，誠無便利。
132路公車 (by Neillin1202 under CC BY-SA 3.0)，車較新矣" width=550px/>
是講這間大學，嘛予庄仔的出入方便。除了區道中 108、中 108-1，以及西極的台三線有車幫誠密的 100 等 pà-suh 路線外，因為大學生的需求，除了 132 路以外， 幾年前 131 路嘛對竹仔坑 giú 甲庄仔內，伸到學校，兩條線合起來，一工來回百外幫，嘛算方便。132 嘛伴我高中三年上放學的日子，只是以早車舊，差不多是台北三重、首都的二手，有的車 khí-khí kho̍h-kho̍h，甚至有時半路袂行歹去，嘛是真特別的經歷。
除了朝陽大學以外，中興大學嘛占了大片的平埔。我咧臆，因為北溝以早有台糖的農場（嘛有糖鐵車站佮往東面桐林的輕便軌道，tann 攏拆走矣），後來糖公司就共伊買賣抑是送予興大，變成葡萄中心、農場等等。若是無中興大學的地，可能吉峰就無遐爾濟的農地矣。
雖然吉峰路上嘛有濟濟工場，是講這站仔，聽阮爸表示，凡勢集中工業的太平區因為逐家炒地炒樓仔厝，無夠錢設廠的小企業開始佔較田庄的農田－－除了烏日溪南、大里西湖等所在，北溝的田園嘛開始予鐵 tàng 食，漸漸的消失、無去。我毋知影故鄉以後敢通親像以早遐青。
卻是，毋管這塊土地前途怎樣，愛疼惜、關懷，緊緊記憶伊這馬的樣。希望工業莫侵入，也向望來遮定居抑暫蹛的學子、移民，攏通知影腳踏的這个庄、這片土地。